Osaka पुग्नुभयो भने Osaka को भाषिकामा सुन्नुहोस् र बोल्नुहोस्!

OSAKA पुग्नुभयो भने OSAKA को भाषिकामा सुन्नुहोस् र बोल्नुहोस्!

① OSAKA भाषिकामा प्रायः प्रयोग हुने केही शब्दहरू:
OOKINI（おおきに）

यो शब्दको अर्थ “धन्यवाद” हो, र मानक जापानी भाषामा यो ありがとう हो। धेरै Osaka बासीहरू मानिसबीचको सम्बन्ध अझ नजिक बनाउन आफूले बोल्ने जुनसुकै कुराको अन्त्यमा おおきに भन्छन्। परिस्थितिअनुसार おおきに को अर्थ “धन्यवाद” वा “कृपया” हुन्छ।

おおきに मूल रूपमा परिमाण जनाउने क्रियाविशेषण हो। 大きにありがとう को अर्थ धेरै धन्यवाद हो। धेरै वर्षपछि यो वाक्यांश छोटिएर おおきに मात्र बाँकी रह्यो। कुनै Osaka बासीले तपाईंलाई खान-पिउन निम्तो दिँदा ありがとう भनेर धन्यवाद दिनुको सट्टा おおきにごちそうさん भनेर धन्यवाद दिनु राम्रो। अनुचित व्यवहार गर्दा वा माफी माग्नुपर्दा おおきにすまへん भन्नु राम्रो। Osaka बासीहरू त यही चमत्कारी वाक्यांश प्रयोग गरेर “होइन, धन्यवाद” भन्न पनि おおきに、かんがえときまっす！ भन्छन्। अर्को रोचक कुरा, कसैले विवाहको प्रस्ताव राख्दा अर्को पक्षले おおきに भन्यो भने प्रस्ताव अस्वीकार भएको अर्थ हुन्छ।

NAMBO（なんぼ）

Osaka धेरै शताब्दीसम्म ठूलो व्यापारिक केन्द्र थियो। त्यसैले Osaka बासीहरूसँग पैसा भुक्तानीका लागि मात्रै छुट्टै शब्द हुनु कुनै अचम्मको कुरा होइन। なんぼ को अर्थ “कति पैसा?” हो, जुन जापानी भाषाको おいくらですか？ बराबर हो। प्रायः ग्राहकले कुनै सामान छानेर कर्मचारीलाई ちょっと、これなんぼ？ (माफ गर्नुहोस्, यो कति पर्छ?) भनेर सोध्छन्।

Osaka बासीहरू खुद्रा पसलमा सबैभन्दा राम्रो मूल्य पाउन मोलमोलाइ पनि गर्छन्। ग्राहकले पसलेलाई यो सामान कतिमा दिन्छौ भनेर おっちゃん、これなんぼにしてくれるん？ भनी सोध्छन्।

NAMBO भनेर पढ्नुहोस् है, NANBO होइन!

SHAA-NAI（しゃあない）

कसैले आफूले चाहेजस्तो कुनै कुरा साकार हुन्छ भन्ने विश्वास त्याग्ने निर्णय गरेपछि यो वाक्यांश प्रायः प्रयोग हुन्छ। そうか वा それしゃあないな भनेर वक्ताले अहिलेको इच्छा त्यागेको कुरा बाध्य भएर स्वीकार्छ। यो अनुवाद गर्न निकै गाह्रो शब्द हो, यो “के गर्ने, यस्तै हो” वा “उपाय छैन” भन्ने वाक्यांश बराबर हो। यसले आज गर्न नसकिने कुरामा धेरै ध्यान दिनुको सट्टा भोलिको आशा गर्ने भावना व्यक्त गर्छ।आफूले केही गरेर बदल्न नसकिने नतिजासँग सन्तुष्ट नहुँदा Osaka बासीहरू しゃあない भन्छन्।

Tokyo र Kanto क्षेत्रका मानिसहरूसँग पनि यही अर्थको शब्द छ, तर उनीहरू しゃあない को सट्टा しかたがない、しょうがない भन्छन्.

MAIDO（毎度）

यो Osaka का पसले, दोकानदार, व्यवसायी र व्यापारीहरूले ग्राहकलाई प्रायः भन्ने प्रचलित अभिवादन हो। ग्राहक आफ्नो पसलमा आउँदा वा व्यवसायी ग्राहकको कार्यालयमा पस्दा बिक्रेताले まいど भन्छ। まいど वा 毎度ありがとう को अर्थ “हाम्रो पसल सम्झनुभएकोमा धन्यवाद “ हो। पसले, दोकानदार, व्यवसायी र व्यापारीहरूले फोनमा पनि まいど、まいど भन्छन्, もしもし भन्नुको सट्टा। まいど प्रायः पुरुषहरूले मात्र प्रयोग गर्छन्। Osaka का छाना भएका बजारका मासु-माछा पसल र तरकारी पसलका महिलाहरूले मात्र नियमित ग्राहकलाई अभिवादन गर्न यो प्रयोग गर्छन्।

जापानीहरूले Osaka भाषिकालाई निकै प्यारो मान्छन्, Tokyo का युवतीहरूले पनि कहिलेकाहीँ प्यारो देखिन Osaka भाषिका प्रयोग गर्छन्।

② OSAKA भाषिकाका अन्य वाक्यांशहरू:
※ शब्दावली:

もん सामान/वस्तु (もの 物 अक्षर बराबर）

さぶい चिसो

ええ हुन्छ, राम्रो

しんどい थकित

おぼこい बच्चाजस्तो स्वभाव

ぶたまん मःम जस्तो भापमा पकाएको रोटी

ほかす फाल्नु

ようさん、ぎょうさん धेरै, असाध्यै धेरै

おたん、おかん बुबा, आमा

おっちゃん काका/करिब 40 वर्षका अधबैँसे पुरुष

あめちゃん मिठाई (क्यान्डी)

べっぴん／べっぴんさん सुन्दर मानिस

※ वाक्यांश:

すごいやん！ ओहो, कति सिपालु!

サイコーやん कति गजब!

おはようさん शुभ प्रभात!

ホンマに？ साँच्चै हो र?

なんやて！？ हे भगवान्, के भनेको??

おこしやす तपाईंलाई स्वागत गर्न पाउँदा खुसी लाग्यो!

しもた・・・ मरेँ नि म!

ありえへん असम्भव!

めっちゃええやん！ कति मन पर्यो!

アカンで！！ हुँदैन!!

アホな मूर्ख!

知らん! थाहा छैन

いやや！！ मान्दिनँ म!!

ほれてまうやろ! मन परिसक्यो है!

なんでやねん！！ हे भगवान्!! के हो यो!!

めっちゃ好きやねん मलाई तिमी धेरै मन पर्छौ!!

しょーもな बकवास!!

Kansai क्षेत्रमा, हरेक फरक इलाका ( जस्तै Osaka, Kobe, Nagoya, Wakayama,…) को आ-आफ्नै छुट्टै भाषिका हुन्छ।

③ TOKYO भाषिका र OSAKA भाषिकाबीचका केही भिन्नताको तुलना:

.

थप पढ्नुहोस्:
जापानमा विद्यालय जीवनसम्बन्धी निर्देशिका
जापानमा अध्ययन र जापानको जीवनबारे जान्नैपर्ने कुराहरू