うちに, あいだに සහ ところ වෙන්කර හඳුනා ගැනීම

ජපන් භාෂාවේ うちに, あいだに සහ ところ වෙන්කර හඳුනා ගැනීම

1. ～うちに (අතරතුර)

අර්ථය:
～うちに අර්ථ 2 කින් භාවිත කළ හැක

A: වෙනත් තත්ත්වයක් වෙනස් වීමට පෙර යම් ක්‍රියාවක් සිදු කිරීම.

B: යම් ක්‍රියාවක් හෝ සිදුවීමක් සිදුවන කාල පරාසය තුළ යම් තත්ත්වයක් වෙනස් වීම.

භාවිතය:
A: වෙනත් තත්ත්වයක් වෙනස් වීමට පෙර යම් ක්‍රියාවක් සිදු කිරීම.

～N の/ Vる / V ている / Vない/Aい/ Na +うちに …

～ තුළ ඇති කොටසින් වෙනසක් සිදුවීමට පෙර තත්ත්වය පෙන්වයි. … කොටස චේතනාවෙන් යුත් ක්‍රියාවකි.

උදාහරණ:
日本(にほん)にいる　うちに　一度(いちど)富士山(ふじさん)に登って(のぼって)　みたい
ජපානයේ ඉන්න අතරතුර, මට එක පාරක් හරි ෆුජි කන්ද නගින්න ඕනේ.

明るい(あかるい)うちに庭の掃除(にわのそうじ)をしてしまおう。
තවම එළිය තියෙද්දී වත්ත අස්පස් කරමු.

B: යම් ක්‍රියාවක් හෝ සිදුවීමක් සිදුවන කාල පරාසය තුළ යම් තත්ත්වයක් වෙනස් වීම යන අර්ථයෙන් භාවිත වේ.

Vる / V ている / Vない+うちに …

～ තුළ ඇති කොටසින් දිගු කලක් පවතින තත්ත්වයක් පෙන්වයි. … කොටසින් කථිකයාගේ චේතනාවෙන් තොර, වෙනස් වන තත්ත්වයක් පෙන්වයි.

උදාහරණ:
音楽(おんがく)を聞いて(きいて)いるうちに眠って(ねむって)しまった
සංගීතයට සවන් දෙන අතරතුර මට නින්ද ගියා.

気づいかない(きづいかない)うちに外(そと)はくらくなっていた。
මට තේරුම් යන්නත් කලින් අඳුරු වෙලා.

2. 間 (あいだ) … / ～間に(あいだに)… (කාල පරාසය තුළ)

අර්ථය:
～間… : යම් ක්‍රියාවක් දිගු කාලයක් පුරා සිදුවන විට, එම කාල පරාසය තුළ වෙනත් ක්‍රියාවක් ද එකවර දිගු කලක් සිදු වේ.

～間に: යම් ක්‍රියාවක් දිගු කාලයක් පුරා සිදුවන විට, එම කාල පරාසය තුළ එක් මොහොතක පමණක් වෙනත් ක්‍රියාවක් සිදු වේ.

භාවිතය:
N の/ Vる / V ている / Vない + 間… / 間に
මෙහි ～ කොටස සහ … කොටස යන දෙකම අඛණ්ඩව සිදුවන ක්‍රියාවන් වේ

උදාහරණ:
お母さん(おかあさん)が昼寝(ひるね)をしている間、 子ども(こども)たちはテレビを見ていた
අම්මා දවල් නිදාගෙන හිටපු මුළු කාලය පුරාම ළමයි TV බැලුවා

私(わたし)が旅行(りょこう)で留守(るす)の間、うちの犬の世話(せわ)をお願い(おねがい)できないでしょうか
මම සංචාරයක් ගිහින් ගෙදර නැති කාලය පුරාම, මගේ බල්ලා බලාගන්න ඔබට පුළුවන්ද?

私(わたし)が旅行(りょこう)で留守(るす)の間に、庭(にわ)に草(くさ)がたくさん生えて(はえて)しまった
මම සංචාරයක් ගිහින් ගෙදර නැති අතරතුර, වත්තේ ගොඩක් තණකොළ වැවිලා.

3. 〜ところだ / 〜ところ(+ නිපාතය) ( මොහොතේ)

අර්ථය:
ところ කාලය යන අර්ථයෙන් භාවිත කරන විට, ඊට පෙර ඇති ක්‍රියාපදය වෙනස් කර ඇති ආකාරය අනුව ところ ට එම මොහොතට මොහොතකට පෙර, මොහොතකට පසු හෝ හරියටම එම මොහොත මැද යන අර්ථය ලැබේ.

භාවිතය:
Vる / V ている / Vた + ところだ / ところ(+ නිපාතය)

ところ වාක්‍යය මැද පවතින විට, ඊට පසුව එන ක්‍රියාපදය අනුව を,で,へ වැනි නිපාත සමඟ පැමිණිය හැක

උදාහරණ:
試験中（しけんちゅう）、となりの人の答え（こたえ）を見ているところを先生（せんせい）に注意（ちゅうい）された
විභාගය අතරතුර, මම ළඟ මේසයේ යාළුවාගේ පිළිතුරු බලමින් සිටි මොහොතේම ගුරුවරයා මට අවවාද කළා.

ケーキができ上がった（できあがった）ところへ子ども（こども）たちが帰って（かえって）きた
කේක් හදලා ඉවර වුණු මොහොතේම ළමයි ගෙදර ආවා.

තවත් කියවන්න:
JLPT විභාගයේ ඇතුළත් වූ N3 ව්‍යාකරණ පද්ධතිය
සංවාදවල නිතර භාවිත වන N3 ව්‍යාකරණ රටා 15