～たら සහ ～と වෙන්කර හඳුනා ගැනීම

～たら සහ ～と අතර වෙනස

TARA සහ TO යන දෙකම කොන්දේසියක් දක්වයි. යම් කිසි කොන්දේසියක් යටතේ යමක් සිදු වන විට, එම කොන්දේසිය ප්‍රකාශ කිරීමට TARA හෝ TO භාවිත කෙරේ.

නමුත් TARA හා සසඳන විට, TO භාවිතය වඩාත් සීමිතය. යම් කොන්දේසියක් යටතේ, නීතියක්, පුරුද්දක් හෝ කලින්ම දන්නා ප්‍රතිඵලයක් ලෙස යමක් සැමවිටම සිදු වන බව පැවසීමට අවශ්‍ය විට TO භාවිත වේ.

“ස්විචය එබුවොත් ලාම්පුව දැල්වේ” යන වාක්‍යය උදාහරණයට ගනිමු. මෙම වාක්‍යයේ, “ස්විචය එබීම”, OSHIMASU, යන කොන්දේසි කොටස සහ “ලාම්පුව දැල්වේ”, TSUKIMASU, යන ප්‍රතිඵල කොටස සම්බන්ධ කිරීමට TO භාවිත වේ. එබැවින් OSU TO TSUKIMASU ලෙස කියයි. මෙම අවස්ථාවේදී TARA ද භාවිත කර OSHITARA TSUKIMASU ලෙස කිව හැක.

කෙසේ වෙතත්, කොන්දේසි කොටසින් පසුව අපගේ අභිප්‍රාය ප්‍රකාශ කිරීමට අවශ්‍ය නම් TO භාවිත කළ නොහැක. කොන්දේසි කොටසින් පසුව යමෙකුට එක්ව යමක් කිරීමට ආරාධනා කරන්නේ නම් හෝ යෝජනාවක් හෝ බලාපොරොත්තුවක් ප්‍රකාශ කරන්නේ නම් TARA භාවිත වේ. එබැවින් AME GA FUTTARA, KAERI MASHÔ, “වැස්සොත්, අපි ආපසු යමු” යන වාක්‍යයේ TARA භාවිත කළ යුතුය.

TARA, TO ට වඩා පුළුල් පරාසයක භාවිත කළ හැක. එබැවින් වඩාත් සුදුසු වචනය කුමක්දැයි ඔබට විශ්වාස නැති අවස්ථාවකදී TARA භාවිත කිරීම වඩාත් හොඳය.