ဂျပန်ဘာသာရှိ နောက်ဆက်ပုဒ် さ (sa)

ဂျပန်ဘာသာရှိ နောက်ဆက်ပုဒ် さ (sa)

ဂျပန်ဘာသာတွင် နာမ်အဖြစ် ပြောင်းရာ(名詞化接尾辞:めいしかせつびじ)၌ မကြာခဏ သုံးသော နောက်ဆက်ပုဒ် 4 ခုမှာ “さ”,”み”,”め” နှင့် “き” တို့ ဖြစ်သည်။ အဓိကအားဖြင့် “さ” နှင့် “み” ကို သုံးကြပြီး ၎င်းတို့နှစ်ခုသည် မကြာခဏ ရောထွေးတတ်သော ကိစ္စနှစ်ခုလည်း ဖြစ်သည်။ ယှဉ်တွဲ နှိုင်းယှဉ်မည့်အစား “さ” နှင့် “み” ၏ အသုံးပြုပုံကို သီးခြားစီ အသေးစိတ် ရေးပြပါမည်။ ဤဆောင်းပါးသည် အင်တာနက်တွင် ကိုးကားထားသော သုတေသနစာတမ်းများနှင့် ဂျပန်ဆရာ/ဆရာမများကို မေးမြန်းထားချက်များကို အသုံးပြုထားသဖြင့် အနည်းငယ် စိတ်ချနိုင်ပါသည်^^.
ဤဆောင်းပါးသည် နောက်ဆက်ပုဒ် “さ” ကို ရှင်းပြသည့် အပိုင်း ဖြစ်ပါသည်။

1. ဂျပန်မူရင်း စကားလုံးများနှင့် သုံးသည် (大和言葉:やまとことば、固有語彙:こゆうごい)
ဥပမာ:
痛さ(いたさ: နာကျင်မှု အတိုင်းအတာ),
高さ(たかさ: အမြင့်),
楽しさ(たのしさ:စိတ်ဝင်စားဖွယ် အတိုင်းအတာ),
遠さ(とおさ: အဝေး),
短さ(みじかさ: တိုတောင်းမှု ),
にぎやかさ: ဆူညံ စည်ကားမှု အတိုင်းအတာ)

2. တရုတ်မူရင်း စကားလုံးများနှင့်(漢語語彙:かんごごい)
ဥပမာ:
偉大さ(いだいさ: ကြီးမားခမ်းနားမှု အတိုင်းအတာ),
幼稚さ(ようちさ: နုနယ်မှု/ ကလေးဆန်မှု).

3. နိုင်ငံခြားမှ ယူသုံးသော စကားလုံးများနှင့် (外来語語彙: がいらいごごい)
ဥပမာ:
チャーミングさ: ဆွဲဆောင်မှု၊ ညှို့ငင်မှု အတိုင်းအတာ
モダンさ( ခေတ်မီ ဖက်ရှင်ကျမှု)

4. တစ်လုံးတည်း နာမဝိသေသန (単純形容詞: たんじゅんけいようし) များဖြစ်သော
古さ(ふるさ: ဟောင်းနွမ်းမှု အတိုင်းအတာ),
暑さ(あつさ: ပူအိုက်မှု),
တို့အပြင် နောက်ဆက်ပုဒ် “さ” ကို ထပ်ကာထပ်ကာ နာမဝိသေသန (反復形容詞: はんぷくけいようし) များနှင့်လည်း သုံးသည်။

ဥပမာ:
清々しさ(すがすがしさ:လန်းဆန်း ကျန်းမာမှု အတိုင်းအတာ,);

5. ဆင့်ပွား နာမဝိသေသန (派生形容詞: はせいけいようし) များနှင့်
ဥပမာ:
男らしさ、女らしさ、子供らしさ。

6. ပေါင်းစပ် နာမဝိသေသန (複合形容詞:ふくごうけいようし) များနှင့်။
ဥပမာ:
蒸し暑さ(むしあつさ: စိုစွတ်ပူအိုက်ခြင်း)
, 幅広さ(はばひろさ: ဘေးတိုက် အကျယ် ( လမ်း)၊ အသံ အကျယ်အဝန်း ( သီချင်းဆိုသံ)၊ ကျယ်ပြန့်သော ဆက်ဆံရေး၊…

7. အာရုံခံစားမှုဆိုင်ရာ နာမဝိသေသန (知覚: ちかく) သို့မဟုတ် ဂုဏ်သတ္တိဆိုင်ရာ(属性形容詞: ぞくせいけいようし) များနှင့်။
ဥပမာ:
-အမြင်(視覚:しかく):赤さ、黒さ、白さ( အနီ၊ အနက်၊ အဖြူ အရောင်အသွေး).
-次元(3 ဘက်မြင်): 高さ、長さ、広さ(အမြင့်-အလျား-အနံ).
– အကြား(聴覚:ちょうかく):အသံ မြင့်မှု(声の高さ)၊ အသံ ကျယ်မှု( 声の大きさ).
– အရသာ ( 味覚: みかく): 甘さ(あまさ: ချိုမှု)၊ 辛さ( からさ: စပ်မှု).
-အနံ့( 嗅覚: きゅうかく): 臭さ(くささ: အနံ့ဆိုး၊ ပုပ်စော်)၊ 香ばしさ(こうばしさ: မွှေးကြိုင်မှု).
-အထိအတွေ့( 触覚: しょっかく):硬さ(かたさ: မာကျောမှု)၊ 柔らかさ(やわらかさ: နူးညံ့မှု).

8. ဆက်ဆံရေးဆိုင်ရာ နာမဝိသေသန (関係形容詞: かんけいけいようし) များနှင့်။
ဥပမာ:
親しさ(したしさ: ရင်းနှီးမှု အတိုင်းအတာ),
近しさ(ちかしさ: နီးစပ်မှု).

9.အလိုလိုသိမြင်မှုဆိုင်ရာ နာမဝိသေသန (直感形容詞:ちょっかんけいようし) သို့မဟုတ် အကဲဖြတ် ဝေဖန်မှုဆိုင်ရာ နာမဝိသေသန( 評価形容詞:ひょうかけいようし) များ။
ဥပမာ:
美しさ(うつくしさ: လှပမှု အတိုင်းအတာ),
強さ( つよさ: ခိုင်မာ အားကောင်းမှု),
醜さ(みにくさ:ကြည့်ရဆိုးမှု အတိုင်းအတာ ),
難しさ(むずかしさ: ခက်ခဲမှု).

10. ပုဂ္ဂလဓိဋ္ဌာန် အမြင်ဆိုင်ရာ နာမဝိသေသန(主観形容詞:しゅかんけいようし) သို့မဟုတ် ခံစားချက်ဆိုင်ရာ နာမဝိသေသန (感情形容詞: かんじょうけいようし) များနှင့်။
ဥပမာ:
苦しさ(くるしさ:ဆင်းရဲဒုက္ခ အတိုင်းအတာ)
嬉しさ(うれしさ:ပျော်ရွှင်မှု အတိုင်းအတာ ).

11.たい ပုံစံ ကြိယာများကို နောက်ဆက်ပုဒ် “さ” ဖြင့် နာမ်အဖြစ် ပြောင်းနိုင်သည်
ဥပမာ:
ライブ行きたいさに、ファンクラブにも入ってしまったほどです。
(ပရိသတ်အသင်းထဲ ဝင်သည်အထိ live ကို သွားကြည့်ချင်သည်)

12. ~にくい、~やすい、~づらい、~がたい ကဲ့သို့ အတိုင်းအတာပြ ကြိယာများနှင့်လည်း “さ” ကို သုံးနိုင်သည်။
ဥပမာ: この薬は飲みにくい. ” さ” ဖြင့် နာမ်အဖြစ် ပြောင်းလိုလျှင် အောက်ပါအတိုင်း ဖြစ်မည်:
この薬(くすり)の飲みにくさ: ဒီဆေးက ဘာဖြစ်လို့ ဒီလောက် သောက်ရခက်တာလဲ။

အထက်ပါသည် နာမဝိသေသန သို့မဟုတ် na နာမဝိသေသနမှ နာမ်အဖြစ် ပြောင်းသည့်အခါ နောက်ဆက်ပုဒ် “さ” ၏ အခြေခံ အသုံးပြုပုံများကို စာရင်းပြုထားခြင်း ဖြစ်သည်။

နိဂုံးချုပ်အားဖြင့်: နောက်ဆက်ပုဒ် ” さ” ကို သဘော(性質: せいしつ)၊ အခြေအနေ(状態: じょうたい)၊ အတိုင်းအတာ(程度: ていど)、数量(すうりょう：အရေအတွက်) ကို ပြောလိုသည့်အခါ သုံးသည်။